Bio-en neuroterugvoer : Gesertifiseerde Opleiding

   

 

Bioterugvoer is 'n inoefeningstegniek wat ons leer om ontspanne te bly en ons stresvlakke te verminder, terwyl ons gesondheid en verrigting bevorder word. Bioterugvoer word in die algemeen vir ontspanning asook stresbeheer ingespan.

Stres veroorsaak dat ons spiere saamtrek wat tot pyn en lyding kan lei. Bioterugvoer kan verligting bring vir diegene wat ly aan:

  • migraine of spanningshoofpyn;
     
  • depressie;
     
  • angs, en
     
  • hipertensie.

Bioterugvoer is 'n ingreepsvrye soort terapie. Sensors of elektrodes word aan die liggaam gekoppel wat terugvoer op 'n rekenaarskerm toon wat betref:

  • spierspanning;
     
  • harttempo;
     
  • asemhaling, en
     
  • stresvlakke.

Bioterugvoer leer ons om ons breinkrag te gebruik om 'n groter mate van beheer oor ons liggaam te weeg te bring. Met behulp van bioterugvoer leer ons om stressors asook ons fisiologiese responspatrone te herken, te begryp en te interpreteer.

Breingolwe

Ons brein funksioneer en kommunikeer met ons liggaam deur elektriese impulse, genaamd breingolwe. Breingolwe beweeg teen verskillende frekwensies, soos hieronder gekategoriseer. Elke kategorie word met sekere gemoedstoestande en funksies geassosieer:

  • Beta: Angs, stres, probleemoplossing
     
  • SMR: Kalmte, ontspannendheid, fokus
     
  • Alpha: Dagsdromery, topverrigting
     
  • Theta: Meditasie, kreatiwiteit, insig
     
  • Delta: Slaap

Ons slaap- (lae beta-) breingolwe het die bykomende funksie van selfregulering wat ons in staat stel om gepaste breingolwe vir gegewe situasies te kan produseer. Ideaal gesproke wil ons 'n groot hoeveelheid stadige alpha- en theta-golwe ervaar. Dit word met ontspanning en die produksie van serotonien en endorfiene en baie SMR- asook Beta 1-golwe geassosieer wat weer konsentrasie bevorder. Hierteenoor wil ons baie min vinnige hoë beta-golwe ervaar wat met oormatige adrenalien geassosieer word.

Neurotergvoer

Neuroterugvoer is 'n ingreepsvrye, pynlose en gebruiksvriendelike prosedure waardeur breingolfaktiwiteit opgespoor en ontleed word. Die doel met neuroterugvoer of neuroterapie is om die brein te oefen sodat 'n gesonder breingolfprofiel verkry kan word. Dit kan breingolfaktiwiteit verhoog wat tot verbeterde aandag en konsentrasie kan lei. Dit kan vir 'n verskeidenheid toestande en gebreke aangewend word waar die brein nie voldoende funksioneer nie. In gevalle soos siekteaanvalle (epilepsie), traumatiese breinbeserings, beroerte en outisme organiseer dit die brein om beter te funksioneer binne die konteks waar die besering of verlies ook al bestaan. Om ons brein te beheer, is die sleutel tot bereiking van optimale intellektuele, akademiese en atletiese verrigting asook om toestande te behandel wat verband kan hou met aandag, konsentrasie, impulsiwiteit, en bewegingsversteurings soos Parkinsonisme en distonie.

bio

3 Bernard Price Street
Vanderbijlpark 1911
Tel: +27 16 932 1509
E-mail: psychoadmin@lantic.net

Biofeedback & Neurotherapy
Certified Training
(Biofeedback Certification Institute of America)

Dr. J.S. Scholtemeyer
Educational Psychologist
Ph.D. (Clinical Hypnosis)

Mr. André Swain
Registered Councillor
(PRC 0014737)
Registered Psychometrist
(PMT 0074861)
B.A, B.A. (Hons.) Psychology


  pdf Kliek hier vir ons Bio-Neuroterugvoer Pamphlet

Kopiereg © 2011 Dr. J.S. Scholtemeyer.  Alle regte voorbehou.